Infinity Tower არის კოშკი, რომელიც შენდება ინჩეონის აეროპორტთან ახლოს სეულში,სამხრეთ კორეაში.ის უკვე არის აღიარებული როგორც მსოფლიოს პირველი უხილავი კოშკი, უხილავობის ეფექტს შექმნის LED ფასადური სისტემა და მთლიანი შენობა არის 145, 000 მ2 მისი მშენებლობა 2019 წელს დაიწყო და დასრულების თარიღად 2024 წელი არის მიჩნეული.
დიზაინის ფილოსოფია
GDS-მა გაიმარჯვა Korea Land Corporation-ის დიზაინის კონკურსში 2008 წელს 46 ქვეყანის 146 ნამუშევარს შორის, რომელიც მიზნად ისახავდა სამხრეთ კორეის პოზიციის სიმბოლურად ახალი შენობის პოვნას. იმის ნაცვლად, რომ სიმაღლეზე ყოფილიყვნენ ორიენტირებულები, მათ გადაწყვიტეს შეექმნათ რაღაც ინოვაციური, რომელიც განასახიერებს კორეას.მიუხედავად იმისა, რომ სიმაღლე არ არის მთავარი დამახასიათებელი 450 მეტრის სიმაღლის კოშკი, როდესაც დასრულდება, იქნება მეექვსე ყველაზე მაღალი კოშკი მსოფლიოში და ექნება სიმაღლით მესამე ობსერვატორია მსოფლიოში.
უხილავობა
კოშკი გამიზნულია, რომ ჰქონდეს „უხილავობის“ უნარი. კოშკს ექნება მაღალი გარჩევადობის კამერები, რომლებიც განთავსებული იქნება კოშკის ექვსივე მხარეს სამ სხვადასხვა დონეზე. კამერები მიიღებენ რეალურ დროში სურათებს. ეს სურათები დამუშავდება და იქნება შეკერილი მონოლითურ სურათად, რომელიც დაპროექტდება 500 მწკრივი LED ეკრანის სამი კომპლექტით შენობის მეორე მხარეს, ყველაფერი რეალურ დროში. სამივე მონაკვეთზე შემოთავაზებულია სამი პროექცია სხვადასხვა სიმაღლეზე. LED-ის სიმაღლე განსაზღვრავს გამოსახულების სიმკვეთრეს – რაც უფრო მოკლეა სიმაღლე, მით უფრო მკვეთრი იქნება გამოსახულება. განათების სხვადასხვა დონე გამოიყენება “უხილავობის” სხვადასხვა ხარისხის მისაღწევად.
მნიშვნელობა
Tower Infinity გამოყენებული იქნება ძირითადად გასართობად და დასასვენებლად 4D თეატრით, რესტორნებით, წყლის პარკით, კეთილმოწყობილი ბაღებით და მსოფლიოში მესამე ყველაზე მაღალი სადამკვირვებლო ტერასით. როდესაც კოშკის უხილავი ფასადი გამორთულია, პროექტორები შეიძლება გამოყენებულ იქნას, როგორც უზარმაზარი ბილბორდი სპეციალური ღონისძიებებისა და რეკლამების გადასაცემად.კოშკს ასევე ექნება ნელი მაღალი ტევადობის ლიფტი, რომელიც გაჩერდება სხვადასხვა სიმაღლეზე და აჩვენებს სხვა მსოფლიო ძეგლების რეალურ დროში ხედებს.
